அனைவருக்கும் வணக்கம்,
கேலக்ஸியின் முதலாமாண்டு சிறுகதைப் போட்டியின் முடிவுகளை உங்களுக்குத் தெரிவிப்பதில் பெருமகிழ்ச்சி அடைகிறோம்.
எங்களின் எதிர்பார்ப்பைக் கடந்து வந்து குவிந்த கதைகளில் 212 கதைகள் முதல் சுற்றுக்குத் தேர்வாகின. அதிலிருந்து நடுவர்களின் மதிப்பீட்டின் அடிப்படையில் 92 கதைகள் இரண்டாம் சுற்றுக்குத் தேர்வாகின. அதன்பின் 25 கதைகள் மூன்றாம் சுற்றுக்குத் தேர்வாகின. நிறைவுச் சுற்றுக்கு 18 கதைகள் என்றிருந்த நிலையில், எல்லாக் கதைகளும் போட்டி போட்டுக் கொண்டு மதிப்பீட்டில் முன்னும் பின்னுமாய் நிற்க, 25 கதைகளையும் முதன்மை நடுவருக்கு அனுப்பிக் கொடுத்தோம். அவரும் தனது பணிகளுக்கு இடையே, துலாக்கோல் கொண்டு தேடி, மிகச் சிறந்த பதினெட்டுக் கதைகளைத் தேர்வு செய்து, அதிலிருந்து சிறந்த 5 கதைகளைப் பரிசுக்குரிய கதைகளாகத் தேர்ந்தெடுத்துக் கொடுத்துள்ளார். அவருக்கு நன்றி.
இந்தப் போட்டிக்கான மொத்தப் பரிசுத்தொகையான ரூ.12000-த்தை தமிழ் மீது கொண்ட காதலாலும், புதிய எழுத்தாளர்களை ஊக்குவிக்க வேண்டும் என்ற நல் எண்ணத்தாலும் கல்லிடைக்குறிச்சி, தேசியக் கல்வி அறக்கட்டளை நிறுவனர், தமிழ்ப் பற்றாளர், முனைவர் ஆ. முகமது முகைதீன் அவர்கள் வழங்கியுள்ளார்கள் என்பதை மகிழ்வுடனும் நன்றியுடனும் கேலக்ஸி குழுமம் உங்களிடம் பகிர்ந்து கொள்கிறது.
போட்டி முடிவுகள் :
முதல் பரிசுக்கதை : அமிர்தத்துளி – விஜிரவி, ஈரோடு
இரண்டாம் பரிசுக்கதை : பூரணம் – காயத்ரி.ஒய், சென்னை
மூன்றாம் பரிசுக்கதை : காலங்கள் மாறும் – அனந்த் ரவி, பெரும்பாக்கம்
சிறப்புப் பரிசுக் கதைகள்
1. மனித யானை – ஆர். இராஜசேகரன், சென்னை
2.சாதாரணன் சிவா - படிப்பகத்தான், கடியப்பட்டணம்
சிறுகதைத் தொகுப்புக்குத் தேர்வான மற்ற கதைகள்:- பாவமும் பரிகாரமும் – எம்.சங்கர், சென்னை.
- எல்லோரும் கொண்டாடுவோம் – கல்பனா சன்யாசி, சென்னை.
- சக்தியின் வடிவம் – எஸ். அர்ஜூன் சிவகாமிநாதன், சென்னை.
- வடக்கிரு – மாலா மாதவன், சென்னை.
- உனக்கும் கிழக்கு உண்டு – ப்ரஸன்னா வெங்கடேஷ், நவி மும்பை.
- சபதம் – ஆர்.சுமதி, மஹாராஸ்டிரா.
- ஹோம் மேக்கர் – தி.சுதா, ஸ்ரீரங்கம்.
- சுயம் – ‘அலை ’ யுவராஜன், கல்பாக்கம்.
- போர் – ராம்பிரசாத்
- மீனாட்சி திருக்கல்யாணம் – மைதிலி கல்யாணி
- நீங்கள் கேட்டவை – ஜெயசீலன் சாமுவேல் [ஜெ.சா]
- அன்பென்னும் குடையை நீட்டுகிறாய் – பூபதி பெரியசாமி, புதுச்சேரி
- இவள் வேற மாதிரி – ஜே. செல்லம் ஜெரினா, சென்னை
வெற்றியாளர்கள் அனைவருக்கும் வாழ்த்துகள்.
போட்டி முடிவுகள் கலந்து கொண்ட 212 பேருக்கும் மின்னஞ்சலில் தெரிவிக்கப்பட்டுள்ளது.
போட்டி அறிவிக்கும் போது சொன்னபடி பரிசுத்தொகை பணமாகவோ அல்லது புத்தகமாகவோ எழுத்தாளரின் விருப்பத்தின் பேரில் அனுப்பித் தரப்படும்.
வென்றவர்கள் தங்கள் வங்கி விபரம் / முகவரி / புத்தகங்களின் பெயர் போன்றவற்றை எங்களின் மின்னஞ்சலிலோ அல்லது வாட்சப் நம்பரிலோ விரைந்து தர முயற்சி செய்யுங்கள்.
போட்டியின் பரிசுகள் ஒரு வாரத்துக்குள் தங்களுக்கு அனுப்பி வைக்கப்படும்.
நிறைவுச் சுற்றில் கலந்து கொண்ட அனைத்து எழுத்தாளர்களுக்கும் கேலக்ஸியில் புத்தகம் வாங்கினால் 25% சலுகை அளிப்படும் என்பதைத் தெரிவித்திருந்தோம். அதற்கான நிறைவுத்தேதி டிசம்பர்-31, 2023.
மீண்டும் ஒருமுறை வென்றவர்களுக்கும் கலந்து கொண்டவர்களுக்கும் வாழ்த்துகள்.
இணைந்திருங்கள்.
தொடர்ந்து பயணிப்போம்.
